امام خمینی (رح) کی نظر میں سیاستمداروں کے اہم فرائض
امام خمینی (رح) کی نظر میں سیاستمداروں کے اہم فرائض
تحریر سید محمد شاداب رضوی۔ متعلم جامعۃ المصطفی العالمیہ۔ قم ایران
رہبر کبیر انقلاب اسلامی آیت اللہ العظمی امام خمینی نے عوام کی خدمت پر اس قدر تاکید کی کہ انہوں نے لوگوں کی خدمت کو قیادت پر ترجیح دی اور اپنے ایک بیان میں فرمایا: "اگر تم لوگ مجھے رھبر کہنے کے بجائے خادم کہو تو مجھے خوشی ھوگی۔
اس تناظر میں ہم عوام کی خدمت میں سیاستمداروں کے فرائض کے بارے میں امام خمینی (رح) کے ارشادات کے ایک حصے پر گفتگو کریں گے:
۱۔ لوگوں کی خدمت کرنا بہت بڑی عبادت ہے۔
امام خمینی ایران کے لوگوں سے مخاطب ھو کر فرماتے ہیں آپ کو ان لوگوں پر توجہ دینی چاہیے جو ضرورت مندوں کی خدمت کرتے ہیں اور آپ میں سے جو جنگ زدگان کی خدمت کرتے ہیں، اور امید ہے، انشاء اللہ، آپ کے مقاصد اسلامی-انسانی مقاصد ہیں۔ آپ لوگ جان لیں لوگوں کی خدمت کرنا اطاعت پروردگار ہے۔(صحیفه امام ، جلد 15، صفحہ 76، جلد 15، صفحہ 76)
2-لوگوں کی خدمت کرنا توفیق الھی ہے
جمھوری اسلامی میں لوگوں کی خدمت کو دنیاوی سعادت کے طور پر نہیں دیکھنا چاہیے، بلکہ یہ ایک الٰہی عطیہ اور توفیق الھی ہے جو حکام کے سپرد کی گئی ہے اور انہیں اس نعمت کے شکر میں لوگوں کی خدمت کرنی چاہیے. اسلام کے احکام پر عمل کرنا چاہیے، اور عوام کی زیادہ سے زیادہ مدد کرنی چاہیے، اگر ہم ساری زندگی ان کی خدمت کر سکیں تو اللہ تعالیٰ ہمیں ان کا خادم بننے کی توفیق عطا فرمائے۔ (صحیفہ نور، جلد 15، صفحہ 385)
3- لوگوں کی خدمت اسلام کی سب سے بڑی خدمت ہے۔
اس بات کو مدنظر رکھتے ہوئے کہ ایران ایک اسلامی ملک ہے اور لوگوں کی اکثریت مسلمان ہے، ان لوگوں کی خدمت اسلام کی سب سے بڑی خدمت ہے۔ (صحیفہ نور، جلد 17، صفحہ 165)
4-انبیاء عوام کے خادم تھے۔
انبیاء اپنے آپ کو خادم سمجھتے تھے، یہ نہیں کہ کوئی نبی یہ تصور کرتا ہو کہ اس کی حکومت ہے، لوگوں پر حکومت نہیں کرنی چاہیے۔ انبیاء و اولیاء الھی فقط لوگوں کی ھدایت و رہنمائی اور ان کی خدمت کے لیے آئے تھے ۔ لھذا حکام کو بھی یہ محسوس کرنا چاہیے کہ ہم واقعی ان لوگوں کی خدمت کے لیے آئے ہیں اور عوام کی یہ خدمت ہماری خدمت ہے۔ (صحیفہ نور، جلد 15، صفحہ 358)
5-حکومت کی مثال ایک مھربان باپ کی ہے
حکومت کو امام علی ع کی طرح ھونا چاہیے جیسے کہ امام ع اپنی پوری طاقت سے محروموں کا خیال رکھتے تھے، اسی طرح تمام عھدہ داروں کو بھی محروموں و محتاجون کا خیال رکھنا چاہیے. بالکل ایک باپ کی طرح کہ اگر اس کے بچے بھوکے ہوں تو وہ ھر ممکن کوشش کرتا ھے تاکہ ان کے کھانے کا انتظام کرے بس یہی احساس اور جزبہ عھدے داروں کو عوام کے لئے ھونا چاہیے ۔ (صحیفہ نور، جلد 18، صفحہ 158)
6- حکام عوام کے مقروض ہیں
ایران کے اسلامی نظام کے امور کے انچارجوں کو یہ یقین رکھنا چاہیے کہ ان کے عہدے عوام نے انہیں سونپے ہیں اور اپنے آپ کو ان لوگوں کا مقروض سمجھیں جنہوں نے ایثار و فداکاری کے سبب اور بہت سی مشکلات زحمتوں کے بعد زندان سے آزاد ھوکر آپ لوگوں کو نظام کی سربراہی میں بٹھایا ہے۔ ان کی قربانیوں اور بہادری کی وجہ سے۔ ان کی محنت اور کاوشوں کو عزت دینے کے لیے اپنی تمام تر کوششیں عوام کی خدمت میں صرف کریں اور اپنے آپ کو ان کا خادم سمجھیں۔ ان لوگوں کے دلوں کو پاک رکھیں۔ یہ کسان یہ کارکنان اور یہ عوام ہی ہے جو آپ کو گورنر شپ تک لے کر آئے، ورنہ وہ آپ کو گورنر شپ نہ بناتے۔ اس ملک کی بنیاد کیا ہے، جمھوری اسلامی ایران کو سیاست کی ضرورت ہے، دینداری کی ضرورت ہے، انصاف اور ایمانداری کی بھی ضرورت ہے، لہذا وہ لوگ جو مفت میں آپ کی خدمت کریں اور حکومت کی خدمت کریں، ان کو قدر کی نگاہ سے دیکھنا چاہیے ۔ (صحیفہ نور، جلد 13، صفحہ 385)
